संख्यांचे गाणे (The song of numbers)

1ली,बालभारती-1

पान -५९ ,घरचा अभ्यास

चला शिकूया.-

तालासुरात साभिनय गाणे म्हणणे.
गाण्यातून ६ ते ९ या संख्यांची ओळख होणे.

मामी-काकी या या या
आजी-आजोबा या या या
मिळून सारे गाऊया
संख्यांच्या गावाला जाऊया ।।धृ।।

झुरळाला पाय सहा
चित्रात मोजून पहा
मोजणी करून पाहूया
संख्यांच्या गावाला जाऊया ।।१।।

इंद्रधनुष्यात रंग सात
सुंदर दिसते आकाशात
रंग त्यात भरूया
संख्यांच्या गावाला जाऊया ।।२।।

छत्रीला काड्या आठ
पावसाशी पडेल गाठ
छत्री आपण उघडूया
संख्यांच्या गावाला जाऊया ।।३।।

घड्याळात वाजले नऊ
दादाने केला खाऊ
मिळुनी खाऊ खाऊया
संख्यांच्या गावाला जाऊया ।।४।।

झुकझुक झुकझुक संख्या गाडी
संख्यांची आम्हां लागे गोडी
संख्यांची गंमत पाहूया
संख्यांच्या गावाला जाऊया ।।५।।

मराठी व सेमी माध्यम