शून्याचे गाणे (Song of zero)

1ली,बालभारती-1

पान -७९ ,घरचा अभ्यास

चला शिकूया.-

तालासुरात साभिनय गाणे म्हणणे.
गाण्यातून शून्याची ओळख होणे.

नऊ पक्ष्यांची पडली गाठ
नवातून एक गेला राहिले आठ
आठ पक्ष्यांना घातला भात
आठातून एक गेला राहिले सात
सात पक्ष्यांचा थवा पहा
सातातून एक गेला राहिले सहा
सहा पक्ष्यांनी केला नाच
सहातून एक गेला राहिले पाच
पाच पक्ष्यांची किलबिल फार
पाचातून एक गेला राहिले चार
चार पक्ष्यांनी केली चैन
चारातून एक गेला राहिले तीन
तीन पक्ष्यांना आला फोन
तीनातून एक गेला राहिले दोन
दोन पक्ष्यांनी केली बियांची फेक
दोनातून एक गेला राहिला एक
एक पक्षी एकटाच बसला
तोही उडून गेला. कुणी नाही राहिला.
कुणी नाही राहिला, म्हणजे ० (शून्य) राहिला.

मराठी व सेमी माध्यम