कोण आले मदतीला?

चला शिकूया.-

घटना, कृती आणि पात्र यांना एकसंघपणे पाहून त्यांचे समजपूर्वक वाचन करता येणे.

[शाळेच्या आवारात मुलामुलींचा घोळका… सगळ्यांचे लक्ष समोरच्या बाजूने आकाशात दिसणाऱ्या धुराच्या दिशेने…रुग्णवाहिका, अग्निशामक दलाची गाडी आवाज करत जाताना…]
अमित – अरे बापरे! समोर पाहा ना. किती मोठा धूर दिसत आहे.
रोहित – हो ना! अरे अमित, त्या बाजूला मेघनाच्या आजोबांचे शेत आहे.
शिक्षक – अरे मुलांनो! शांत राहा….शांत राहा. गोंगाट करू नका. शेतात काहीतरी घटना घडलेली दिसत आहे. [तेवढ्यात शाळेचेसेवक तेथे येतात.]

सेवक – सर, भाऊंच्या शेताच्या बाजूला असलेल्या गोठ्याला आग लागली आहे.
त्यांच्या गाई-म्हशींना आगीची थोडीशी झळ लागली आहे.
शिक्षक – भाऊही शेतात होते का?
सेवक – होते ना……. भाऊंच्या शेतात काही मजूरही काम करत होते. ते मदतीला धावून गेले. त्यांनाही थोडे भाजले आहे.
सुमन – सर, आग कशामुळे लागली असेल?
शिक्षक – याबाबत पोलीस सर्व चौकशी करतील. तेव्हाच नेमके कारण कळू शकेल.

तनया – पण फायर ब्रिगेडची गाडी, ॲम्ब्युलन्स कोणी बोलावली असेल?
सेवक – अगं तनया, भाऊंच्या मुलाने पटापट १००, १०१, १०८ या नंबरवर फोन लावले. फोन करताच अग्निशामक दलाची गाडी आली. त्या जवानांनी भराभर आग विझवली. डॉक्टर आले. त्यांनी भाऊंना व शेतमजुरांना तपासले. औषध दिले. काही मजुरांना थोडे भाजले होते. नर्सने नेत्यांना लावायला मलम दिले. बघ्यांची गर्दी खूप झाली तेवढ्यात पोलीसही आले. गाई-म्हशींवर उपचार करण्यासाठी डॉक्टरही आले.

शिक्षक – पण सर्वजण ठीक आहेत ना?
सेवक – सुदैवाने फारसं काही झालं नाही. वेळेवर सर्वांची मदत मिळाली.
शिक्षक – आपणही भाऊंना भेटायला जायला हवे. पाहिलंत ना मुलांनो, संकटाच्या वेळी कोण-कोण मदतीला धावून आले? सर्वांनी केलेल्या मदतीमुळेच फारसे नुकसान झाले नाही. म्हणूनच आपण या सर्वांचे आभार मानायला हवेत.

मराठी व सेमी माध्यम