बेरीज : पुढे मोजून

Addition : By counting forward

1ली, बालभारती भाग 4

अजय व रिया आई-बाबांबरोबर मामाच्या गावाला निघाले. सगळे बसस्थानकावर आले. बसस्थानकावर बस पाहून अजय बाबांना म्हणाला, ‘‘अबब… किती या बस!’’
बाबा म्हणाले, ‘‘मोज बरं.’’ अजयने बसस्थानकात उभ्या असलेल्या बस मोजल्या आणि बाबांना म्हणाला, ‘‘बाबा येथे सात बस उभ्या आहेत.’’ इतक्यात रिया म्हणाली, ‘‘अरे दादा बघ, अजून चार बस येत आहेत.’’ बाबा म्हणाले, ‘‘अजय सांग बरं, आता एकूण किती बस झाल्या?’’
अजय म्हणाला, ‘‘बसस्थानकात ७ बस आहेत. मी त्यापुढे ४ बस मोजतो म्हणजे ८,९, १०, ११’’ आता एकूण बस झाल्या ११.
बाबा म्हणाले, ‘‘शाब्बास!’’

मराठी व सेमी माध्यम